LEHIATU: CHARLAS (II)

LEHIATU-ren partez, honako proposamenarekin natorkizue. ANIMATU!


www.lehiatu.blogspot.com


"A pesar del poco margen con el que se informa (y lo sentimos de veras), el próximo 19 de abril de 2012, jueves, a las 16:30 contaremos con la presencia de PERU CAÑADA OMAGOGEASCOA, arquitecto por la ETSASS (con una excelente calificación de 9,5, sobresaliente), Master en Medio Ambiente y Arquitectura Bioclimática (UPM) y poseedor de un sin fin de premios en el campo de los concursos de arquitectura junto con el estudio ARQUITECNICA* del cual es director.


En esta pequeña charla podremos disfrutar de su experiencia profesional, donde se abarcarán todo tipo de temas usando como hilo conductor los concursos de arquitectura. Como siempre, una oportunidad inigualable para acercarnos más a la vida profesional de la mano de un arquitecto que ha sabido abrirse camino en el mundo laboral disfrutando de los CONCURSOS DE ARQUITECTURA.


Esta charla tendrá lugar en la ETSASS (aula 3.3. que esperemos esté disponible). Como sabéis estas charlas se organizarán de forma periódica siempre que los invitados estén disponibles. Intentaremos comunicarlo vía blog con antelación.


Esperamos que no dejéis pasar esta oportunidad y contamos con vuestra asistencia. 


Muchas gracias".

Centro de Salud Ciudad Real III (ARQUITECNICA)
http://www.plataformaarquitectura.cl/2010/12/16/centro-de-salud-ciudad-real-3-arquitecnica/aitor-estevez-olaizola-3/

*bulegoaren inguruan informazio gehiago:  www.arquitecnica.net 

BAIONAKO ARKITEKTURA ETA PAISAIGINTZA ESKOLA. bidean eten bat.

"Proiektuak V" ikasgaia bukatzear dagoelarik, Ubay eta bion artean burutu beharreko azken ariketaren lehendabiziko intentsio eta pausoak aurkezteko moduan gaude. Oraingoan, Baionako unibertsitateari harreta jarri eta bertako "campus"-aren Arkitektura eta Paisaigintza eskola ("École d´architecture et paysage de Bayonne") proiektatzea da, hain zuzen ere, urteko azken lana.

Urte osoan landutako ordenazioan barrena, unibertsitate eraikina aurreko ariketetan buruturiko egoitza eta etxebizitza eraikinaren "bikia" dela esan dezakegu, "Square depression" baten bidez, fakultate berriak aurreexistentziak bisualki errespetatzen dituena, alegia. Izan ere, gaur egun "arsenalean" ematen den irakurketa historikoa mantendu nahaian, bolumenaren soterramendua proposatzen da.

proiektatze prozesua (hasierako irudiak)

Ikuspegi orokorra (hasierako irudiak)

Erabaki honek dakarren ondorioak ugariak dira (beharrezkoak ditugun kanpo praktikak kale kotan burutzeko aukera, kalearen depresioak dakarren aukera funtzionalak, eremuaren garbitasuna, bolumetriaren eragin eza...). Halere, egia esan, arazoak ere dakar, eta askotan, arazoei bilaturiko irtenbideak dira proiektuaren benetako funtza. ARGIA DA ARAZOA eta EGITURA KONPONBIDEA  istorio honetan. Aurreko irudian antzeman daitekeenez (ikus.2.irudia), eraikinaren egitura da argiaren premia asetzen duena, bere dimentsio eta formari esker. Aurretik aipaturiko "depresio" ideiaren ohiartzuna balitz, egitura, sare gisa ulertua, hirugarren sotora ailegatzen da beregain jauziko diren karga guziak bideratzeko helburarekin. Eraikina eta kalearen arteko harremana guztiz estutzen da momentu honetan, distribuzioak burutzeko ere erabaki honen ondorioz sorturiko "argi iturri" handi hauek erabiliz.

Hasierako irudiak

Habiapuntua argituta, programaren ordenazioaren azalpenean murgilduko gara. Bina besodun forma da eskuartean dugun "partzela". Dimentsioei jaramon eginez, lehendabiziko erabakia eraikinaren ulermen erraza bultzatu nahaian programaren izaera ezberdinak banatzean datza: alde batetik funtzio administratiboa izango genuke, bestetik, ordea, dozentea. Hirugarren sotoa, azkenik, eremu libre gisa ulertuko genuke, 3500m2-ko tailer funtzioanitza.

distribuzio oinak (oinarrizko eskemak)

a-a´ebaketa (barne patioen izaera)

b-b´ebaketa (programaren antolamendua aize antzeman daiteke. Ebaketaren izaerak berehala bideratzen gaitu lehen sotoko konpartimentaziotik hirugarren sotoko lan eremura arte,  tartean dirauen liburutegi baten irakurketa bateratutik pasaaraziz)

Egituraren izaerak altuera bikoitzeko nahiz hirukoitzeko eremuak proiektatzeko aukera eskeiniko luke, programan aurkituko ditugun beharrei aurre egiteko asmoz.


Bidea zabalik dirau hortaz, ibilbidea bukatzea besterik ez zaigu gelditzen.

laneko infografiak

To be continued...

LEHIATU: CHARLAS

Aukera polita LEHIATU-tik dakarkiguna. Azken hilabete hauetan arkitekto profesionalen eritziak eta experientziak ezagutzeko ahaleginetan ibiliko gara. 

Ugaitz Gazteluren aportazioaren ondoren, hurrengo astean (martxoak 23) goizeko 10:00 Borja Izagirre Larrañaga izango dugu gure artean eskolan, arkitektoa D.A.G.E.T.-tik eta "Proiektuak I" ikasgaian irakaslea eskolan bertan. 

Gazteleraz, www.lehiatu.blogspot.com webgunean aurkituko duzue ondoko sarrera eta baita LEHIATU proiektutik informazio gehiago eskuratzeko aukera ere.

Beste barik, gonbidapen gisa hartu.

Consultorio de Milagro
doblee estudio

"El próximo 23 de marzo de 2012, viernes, tendremos entre nosotros a BORJA IZAGIRRE LARRAÑAGA, arquitecto por la E.T.S.A.S.S./D.A.G.E.T. y actual profesor de la asignatura "PROIEKTUAK I" en la propia escuela. Compartirá experiencias propias en el campo de los concursos, además de sugerir impresiones y opiniones a cerca de este tipo de actividades (los concursos de arquitectura como tema propuesto).

más información a cerca de los trabajos en los que ha colaborado Borja Izagirre: www.doblee.es

La charla se llevará a cabo en la E.T.S.A.S.S./D.A.G.E.T. a las 10:00."

PARENTESI TXIKI BAT INTERNACIONALCONTESTA ETA ROOFTOPS WHY NOT?

Azken hilabete honetan buruturiko lan txiki batekin natorkizue. Eskolako hiru lagunen arteko kolaborazio baten ondorioz sorturiko azterketa eta proposamen lana dugu honakoa. "Internacional contesta" enpresaren eskutik, ERAIKUNTZEN ESTALKIEN GAINEKO HAUSNARKETA zen lehiaketa txiki honetan proposatzen zena. Batik bat erabilera aldetik izaera berezia duten eremu hauen erabilpena zen kexka nagusia.


Proposamenaren izaera analisi kutsua hartzen du galdera nagusi bati erantzun nahaian: zein kasutan litzateke ezinbestekoa estalkiaren erabilera? 


Hirigintza maila aztertze eremutzat hartuz, gaur egungo hiri modeloari harreta eta kritika egiten zaio. hitz gakoak DISPERTZIOA, ESPEZIALIZAZIOA eta KONTSUMOA dira. Eredu honek dakarren kalteak anitzak dira: eraikuntza kontsumitzaileak sortzen ditugu, sare orokor baten premia duen arkitektura, alegia; sare orokorrak geroz eta dimentsio handiagokoak dira hirietan, mantenimendu eta obra luzeen beharra dutenak; hirian jasotzen ditugun lehengaiak eremu espezializatuetan ekoizten dira, askotan hiritik lar urrun daudenak, horrek dakarren kutsadura eta kalteaz hitzegitea beharrezkoa ere ez delarik; eraikuntzen premiak asetzeko industriagune izugarriak eraikitzen ditugu, hiritik aldendu nahi ditugunak beren presentzia somatu ere ez dugulako nahi ("amor/odio" harreman bitxia sortu da, hiriaren izaera kontsumitzailea dela medio).

Proposamenak hiri eredu ezberdin bati egiten dio erreferentzia, non hitz gakoak bestelakoak diren: DENTSIFIKAZIOA, HIBRIDAZIOA eta SORTZAILEA. Lurzorua eta orain arte eman den hirigintza ereduaren arteko harremana ez da eraginkorra izan, izan ere, eskasia somatzen hasiak gara, hirigintza eredu berri baten premia somatzen hasiak gara, alegia. Dentsifikazioaren ondorioz, hiri hibrido baten beharra dugu, non erabileren arteko elkar bizitza adostu eta onartu beharra daukagun. PUNTU HONETAN AURKEZTEN DA ESTALKIA IRTENBIDE GISA, orain arte erabilerarik izan ez duen eraikuntza atal honek, arkitekturaren izaera SORTZAILEA bultzatu baitezake. Irudietan antzematen den gisara, estalki anitzen potentzialak identifikatu eta erabiltzea besterik ez da gelditzen, KONTSUMITZEN DUGUN HORI EKOIZTEKO ASMOAREKIN. 

Proiektuaren izaera teorikoak, behar bada, proposamenaren baztertzea ekarri du berehala, "zehatzagoak" izan diren beste proposamen batzuei lehentasuna emanez. Beste barik, esperientzia atsegina bizi izandakoa, lehiaketekin aurrera jarraitzeko asmoz.


http://www.internationalcontesta.com/p/about.html

"TRAS UNA LINEA DE LUZ" PROIEKTUAK IV- 2012/02/20

Egia esan, aurreko sarreran argitutakoak errepikatzeak ez dakar ezer berririk. Dena den, bakarka eginiko azken entrega honetan buruturiko lana aurkeztea ez dago lekuz kanpo.

Laburbilduz, Baionako San Andres eliza inguruan (Paul Bert enparantza barne) eginiko interbentzio lana da sarrera txiki honetan aurkezten dudana. Hiri txiki honetan ematen diren ekitaldi orori erantzun emango dion KALE ANTZOKI baten proiektua da, hain zuzen ere, eremu publikoaren inguruan buruturiko lanari gehitu beharreko programa.

Beste barik, ondorengoko irudiekin uzten zaituztet, non elizaren izaera monumentala azpimarratzen duen proiektu baten azalpen grafikoa aurkituko duzuen.

aurreko sarreraren esteka (proiektuaren azalpena eta prozesua): http://www.julenquevedo.blogspot.com/2012/02/tras-una-linea-de-luz.html

hiri eskala hartzen duen azterketa (gaia: aparkalekuak)

Gaur egungo egoera
apunteak

Arsenala eta Paul Bert enparantza hartzen duen planifikazio orokorra

Bide proiektuala (San Andres harreta gune gisa)

Eremu publikoak beregain hartzen dituen elementuen justifikazioa: OSAGAIAK, PABIMENTUA eta ILUMINAZIOA

Ordenazio oina

Luzetarako ebaketa (San Andres eliza barne)

Antzokiaren ebaketa (xehetasuna)

Antzokiaren lan maketa (eskala 1/150)
Xehetasun bozetoak

Antzokia (proiektatze prozesuan eginiko irudia)

Unibertsitaterako sarrera bidea (proiektatze prozesuan buruturiko irudia)

Laneko maketa (eskala 1/300)

Laneko maketa (eskala 1/300)
Antzoki eta elizaren arteko harremana

"TRAS UNA LINEA DE LUZ"

Ordenazio orokorra (Arsenala eta San Andres eliza ingurua)
Aurre-proposamena

Aurreko entrega orokorrean,(ikus.http://www.julenquevedo.blogspot.com/2011/12/eraikina-bai-eraikina-ez-proiektuak-iv.html) "Bayonne" hirian, Arsenalean, proposatutako ordenazio plana aurkeztu genuen Ubay eta biok. Arsenalaz gain, errepidearen soterramenduak San Andres eliza inguruaren birplanteamendua burutzera bultzatu gintuen. EREMU PUBLIKOA gai nagusi gisa harturik, ariketa koherentea lantzen saiatu ginen non soterramenduaren erabakiak berebiziko garrantzia hartzen zuen kale kotan; argiztapen luzernarioek eta babes gisa planteatutako hiri altzariek oinezkoen nagusitasuna argi uzten zutelarik.


Ildo honetan aurkeztu zaigu banaka landu beharreko ariketa azkar hau. Eliza eta unibertsitate inguruaren antolamendua da oraingoan entregatu beharrekoa. Aurretik ere aztertu eta trebatutako ariketa izanik, ezaguna dudan eremua da honakoa, non autoaren nagusitasun ukaezinak oinezkoaren eremu zatiketa suposatzen duen, baita San Andresek beharrezkoa duen eremu zabala ukatzen duena ere (gogoratu dezagun bere garaitik gaur egunera arte Bayonne hiri sistemako eraikuntza eta monumentu nagusienetakoa dela).

Gaur egungo egoera (San Andres eliza-aurrea)

Aparkalekuz jositako ingurua izanik, bere garaian garratzi handia hartzen zuten zenbait elementuk gaur egunean erabilerarik gabeko ostopoak besterik ez dira. Unibertsitate sarrera aurretik aipatutakoaren adibide garbia da, non autoaren nagusitasunak oinezkoei dagokion eremua okupatu duen, sarrera eskailera guztiz baliogabetuz. 


Hiri historiko hauetan barrena autoaren dependentziak kalte handiak sorrarazi ditu. Aparkalekuen presentzia nonahi aurkitu dezakegu, oinezkoentzat eskala aproposa duen hiria  autoz betez (eremu historikoak 700 x 700 bat metroko eremua hartzen du). Gaur egun, fortifikaziotik at aurkitu ditzakegu erabilera handirik ez duten aparkaleku azalera aipagarriak. Dena den, autoa etxebizitza alboan uzteak gizabanakoaren erosotasuna dakar, bertako biztanleri edo kolektiboaren kalterako, noski. 


Aipaturikoa justifikazio gisa hartuz, oinezkoari nagusitasuna eskaintzen dion proiektua burutzera bultzatzen gaitu, "Bayonne" hiri osoan bere eragina izango duelakoan.

Gaur egungo egoera (oinezkoentzako sarrera elementua)
antzinako eskailera ingurua

 Gaur egungo egoera (San Andres eliza )

KALE ANTZOKI bat da aurretik proposaturiko eremu publikoari gehitu beharreko programa bakarra, (gaur egun, unibertsitate sarreran ere noizbeinkako musika emanaldiak eta ekintza kulturalak burutzen dira). Gisa honetako programa baten beharrak ezagunak dira: MALDA, ESZENATOKIA eta ARGIZTAPENA. 

Eremuaren izaera maldatsuari esker graderio paregabea proiektatzeko aukera dugu; San Andres elizaren presentziak "atze-teloi" paregabea eskaintzen du, eszenatoki humil bati ere izaera xarmagarria oparitzeko parada duena; ARGIZTAPENA da proiektuaren bidez proposatu beharreko elementu bakarra, programaren funtzionamendu egokia bermatuko duen "ARGI LERROA" eta proiektuaren funtza.

Lehendabiziko trazadurak elizaren nagusitasuna bilatu nahaian
(zuzenketan eginiko lerro mordoa)

Ordenazio oina (egunez eta gabez)

Hasierako irudiak (San Andres "atze teloi" gisa hartua)

Hasierako irudiak (iluminazio azterketa)

Laneko maketa (Antzoki eremua)

TO BE CONTINUED...

How much does your building weigh, Mr Foster? LUIS FERNANDEZ GALIANOREN ESKUTIK

Fosterren "bizitza profesionala" islatzen zuen dokumental famatua oraindik ere hurbil daukagularik, Luis Fernandez Galianoren eskutik errepaso sakon bat jaso dezakegu "Protagonistas de la arquitectura del siglo XXI" izeneko jardunaldien artean, 2011ko urriak 18an buruturiko aurkezpen luze honen bidez.


Luis Fernandez Galiano arkitektura doktorea eta Madrilgo Arkitektura Goi Eskola Teknikoan "Proyectos"-eko katedratikoa da.
Gaur egun, "Arquitectura viva" eta "AV monografías" aldizkariaren zuzendari da, bestelako egunkarietan eskua sartu badu ere ("El Pais"-eko arkitektura atalean, besteak beste). Aztertze lanak burutu ditu bestetik, Juan March Fundazioarekin edo "Sustapen" eta "Heziketa eta Kultura" Ministerioarekin bere jakintza partekatuz.


Beste barik, Fosterren biografia modu bikainean ulertzeko aukera.

ERAIKINA BAI? ERAIKINA EZ? (Proiektuak IV. Baiona, Frantzia) BONUS

Proiektatze prozesuaren aztarnak formato askotan uzten ditugu gure atzean, pilot batekin eginiko bina lerro sinple, akuarela baten oinarrian aurkitutako proiektua, argazki baten kolorean edo erdipuxkako maketa esperimental batean...

Aurreko proiektuan eginiko lan maketa da argazki hauetan aurkezten duguna. Proiektuaren "muga formala" aldatu ez bada ere, proiektuak aldaketa nabarmen jaso ditu, edozein proiekturen antzera. 

Dena dela, aipatu beharra dago zenbateraino izan zaigun lagungarri maketatxo hau, izan ere, Ubay eta biok bide desberdinak hartu ditugu eraikin oso bat proiektatzeko. Bateratze lana izan da, ortaz, maketa honen bidez adierazi nahi izan duguna.

ESKUMALDEAN: hasierako diseinua
EZKERRALDEAN: proiektu modifikatua

xehetasun argazkiak (proiektu modifikatuan)

LEHIATU

Arkiektura ikasle lehiaketen inguruan jardungo duten topaketak dira "LEHIATU"-tik dakarkigun proposamena.

Informazioa blog honen bidez aurkituko duzue: www.lehiatu.blogspot.com

kontaktu mail-a: lehiatu.arkitektura@gmail.com

"ALTA TECONOLOGÍA"

"Teknologia" eta "ezagutza" eskutik dirauten kontzeptuak dira nahi eta nahi ez. Izan ere, ezagutza teknikoa da teknologia, giza beharrei erantzuteko oinarrizko ezagutza mota (baita kasu askotan giza gutizia asetzeko erabilia izan dena ere).


Arkitekturaren munduan industrializazioaren bidez eman zen azken hamarkadetan ezagutzen dugun "teknologia" iraultzarik garrantzitsuena. Altzairu, hormigoi, nahiz bestelako eraikuntza gai berrien sorkuntza eta eraikitze prozesuan sortutako bide industrializatu berriek (aurrefabrikazioa, elementu industrializatuen ezartzea...) arkitektura ulertu eta ezartzeko modu iraultzailea ekarri zituzten XX.mende hasieran. (Denok ezagutzen ditugun arkitekto eta "maestroak" dira aipatzekoak garai honetan: Walter Gropius, Frank Lloyd Wright, Mies van der Rohe edo Le Corbusier besteak beste).


Ildo honetan sortu zen garaikideak ziren "cubismo", "expresionismo", "neoplasticismo", "futurismo" eta abarrekin batera gaur egun "MUGIMEDU MODERNO"-tzat ezagutzen dugun arkitektura estiloa.


Eskolan mugimendu iraultzaile positibotzat hartu izan dugun estiloa da, arkitekturaren ate berrien zabalkuntza suposatu zuena eta aukeraz beteriko mugimendu baten giltzak eskaini zizkiguna. Dena den, gizartearen onezpena ez zen lortu kasu askotan. Le Corbusier-ek proposatutako zenbait hiri proiektuetan, esaterako, modu industrializatuan eraikitako blokeak ezartzen ziren modu monotonoan (Ville Rediuse...) oniritzietaz gain, kritika sakonak ere jasan zituena. Gainera, ekonomikoki merkeak ematen zuten proiektuen burutzeak akabaera eta baldintza urriko eraikuntzen sorrera suposatu zuen kasu askotan.


Gauzak horrela, arkitekturaren historia aurrera egin zuen betikolez, hots, aurreko estilo edo tendentzia ukatuz, eta aurkako bidea hartuz: Arkitektura postmodernoa sortuz 60-70. hamarkada bitartean. 


Halan eta guztiz ere, arkitektura modernoaren eboluzioa bere aldetik jarraitu zuela esan genezake. Azken aspaldian gelditzeko asmorik ez zuen aurrerapen teknologiko ukaezinaren goraipatze mugimendua ere sortu zen zenbait arkitektoen partetik: HIGH TECH estiloa hain zuzen ere.

Richard Rogers/Renzo Piano
George Pompidou zentroa
Paris, Frantzia 1977

Gaur egun euren aktibitatea mantentzen duten zenbait arkitekto "izarren" hastapenak kontextu historiko honetan eman ziren: Richard Rogers, Renzo Piano, Norman Foster...besteak beste.


90.hamarkada bukaeratik gaur egunera, ordea, gizartearen arazo "berriei" aurre egiteko, arkitekturaren alde teknologikoaren erabilera eraikitze prozesu sostengarri batera bideratu izan da, ECO-TECH izena hartuko lukeen mugimendu ramifikatu berri bati jaiotza emanez (askotan marketing estrategi gisa ere erabilia izan dena. Denok dakigu gaur egunean ECO hitza erabiltzeak zenbateraino konprometitzen zaituen).

Norman Foster (FOSTER ft PARTNERS)
Alemaniar Parlamentuaren kupula
Berlin, Alemania 1992-1999

Halere, bilakaera guzti honen emaitza, estetika eta egite modu berri batean datza. kontzeptu baten "garbitasuna" edo "purutasuna" apurtzen duelako, normalean, instalazio eta egitura elementu tektonikoak bigarren maila batean uzten dira: arkitektura gezurti bilakatuz askoren uztetan; bere sostengu eta izatearen funtza ezkutatuz beste batzuetan...


Ikuspuntu honetatik begiratuta, nire iritziz behitzat, High tech-aren ekarpenak onuragarriak izan dira zati handi batean. Hasiera batean harrokeria hutsa zena arkitekturaren alde tektonikoaz gozatzeko aukera bilakatu da, gaur egunera arte ere ailegatu izan dena orain dela 45 bat urte sortu zuten arkitektoen partetik.

Renzo Piano (rpbw) 
 Isabella Stewart Gardner museoaren anpliazioa
Boston, U.S.A. 2005-2012 

Gauzak horrela, ez dakit arkitekturaren "jarraitzaile" garelako edo beste barik arkitektura bera ezagutu nahi dugulako, bere alde teknologikoak ezagutarazten dituen eraikinak gogoko ditugu. Instalazioak eta egitura agerian uzten dituzten eraikinekiko ahulezia sentitzen dugu gehienok "fetichismo arkitektoniko" batean murgilduko bagina.



informazio iturriak:

http://www.rpbw.com/ / http://www.fosterandpartners.com/ / http://www.rsh-p.com/rshp_home / (arkitektoen webgune originalak)


http://www.plataformaarquitectura.cl/2012/01/19/hoy-se-inaugura-la-ampliacion-del-museo-isabella-stewart-gardner-de-renzo-piano/ (plataforma arquitectura webguneko publikazioa)


"The Industrial Style and Source Book for The Home" 1978  Joan Kron y Suzanne Slesin