ESTEKA: "THE BIG SHOW"

Ubay eta biok Baionan hartutako "ordenazio" estrategiak badauka BIG bulegoarekin zer ikusia, izan ere, proiektuaren funtzean bolumetria sinple eta ordenatu bati sorrarazitako deformazio justifikatuak ezkutatzen dira. Honek guztiak, estudio dinamarkarraren lananaren azterlana bultzatu du: nola egiten diote aurre hasiera batean sortutako bihurrikeri formalistei? arkitektura burutzeko modu aproposa al da? Hasiera batean hartutako erabaki sinpleek ez ote dute proiektuaren gainbeherakada sortzen proiektatze prozesua luzatzen den einean?...(ez da lehen aldia blog honetan gai honen inguruan idazten dudala...).

WEST 57 (Bjarke Ingels Group)

Zaila da galdera horiei erantzuna bilatzea. Dena den, proiektu honen esperientziaren bitartez hurbilduko gara metodologia honen kritika apropos batera (hala uste dut nik behintzat).


Bien birtartean, aipatzekoa da Bjarke Ingels-en zuzendaritzapean proiektatzen dena ez dela aize ahazten. Izan ere, bezeroengan hartzen duen jokabideak eta proiektuak saltzeko metodoak, arkitekto ugariren artean kritika eta zalantza sortu du.


Esteka honetan, VAUMM bulegoak beren blog-ean sartu berri duen "artikulua" aurkitu dezakezue (West 57 proiektua adibide gisa hartze delarik). Eztabaida mahai gainean dago:


http://vaumm.blogspot.com/2011/10/big-show.html


www.big.dk

W57 - West 57th Residential Building from BIG on Vimeo.

D_21 SISTEM: UN JUEGO PARA SER HABITADO

Ez dugu ezer berririk esaten industrializazioa eta arkitektura esaldi berean bateratu daitezkeela aipatzen dugunean. Izan ere, aspaldiko asuntoaz ari gara, 60-ko hamarkadan indar berezia hartu zuen aurrerakada teknologikoek eskeintzen zituzten aukera amaigabeak ikusita. Garai hartatik eratorri ditugu (eta hartuko ditugu) industrializazioak eta estandarizazioak emandako kontzeptu ugari. Archigram izan zen, behar bada, arkitektura aldetik behintzat, bi kontzeptuen bateratzeak emandako emaitza posible ugariren igorlea. Modu  utopiko eta extremistan bazen ere, industrializazioak ekarri zitekeen bizimodu aldaketa planteatu zuten: superegiturak, mekanismoak, estandarizatutako elementuak....

Plug-in-City, Peter Cook, 1964

Ildo honetan sartuta, INSTITUTO EDUARDO TORROJA zientzia ikerketen eraikuntza institutoaren webgunean* murgilduta aurkitutako artikulotik eratorritako informazioa hurbiltzen dizuet. Bertan D21 ("Domino21) sistemaren berri ematen da, gaur egunean patentatutako eraikuntza sistema baten berri, alegia. 


D21 eraikuntza sistema malgu eta aurrefabrikatu bat da, XXI.mendeko etxebizitza industrializatuaren islada izan nahi duena. "Domino" hitzaren zergatia proiektuaren filosofiaren adierazgarri da. Izan ere, pieza mota bakarrarekin eta beraiek erabiltzeko arau sinple eta intuitibo baten bidez, jokalariak konbinazio amaigabeak sortzeko aukera dauka (Beti ere, aurreko erabakiak urrengokoa baldintzatuko duela kontuan hartuz, noski).


Honela, azpiegitura baten finkatzeak, bertan txertatuko diren elementuak posizio "arau" baten menpe uzten ditu, baina, elementuen arteko konbinazioak, jokalariaren menpe gelditzen dira (beharren menpe edo/eta kausalitatearen menpe).

Prototipoa 2004.urtean eraikia izan zen CONSTRUTEC´04 jardunaldietan eta 15 egunen buruan eta 5 etxebizitzetarako ekipamendu guztiak ezarri zituzten, erabiltzeko prest utzi zituzten, alegia (500 bat m2 ko forjatuak, zeinetatik %50-ak eremu kolektiboei eskeintzen ziren).

*http://informesdelaconstruccion.revistas.csic.es/index.php/informesdelaconstruccion/issue/view/84 ("Paper")
http://www.ietcc.csic.es/ (Instituto Torroja)

ERAIKINA BAI? ERAIKINA EZ? (proiektuakVI. Baiona, Frantzia)

Aurreko ariketan indarrez beteriko eremu publikoan jardun ginen Baiona hiriko sistema orokorren barrena, historiak utzitako arrastoak begibistakoak ziren eta eremuaren formak ere, zati handi batean behintzat, garai batean izandakoaren ondorio zen "Place du Réduit".

Oraingoan, harresietatik hurbil, hiri hegoaldean aurkitzen dugun eremu publiko indartsu batean murgildu beharra daukagu: azaleran indartsua, 2Ha-rekin, oinezkoen hiri sisteman eremurik handiena dela esan daitekelako eta kokapenean indartsua, Campus eta eremu erresidentzialaren arteko mugan aurkitzen delako. Programa ere kokapenaren islada dela esan dezakegu, Etxebizitza programa + Arkitektura eta paisaiagintza Unibertsitate programa.

Historian zehar eremuak pairatutako aldaketa bortitzen ondorio da espazio publikoa baita ere, GAUR EGUN  bere potentzialak dituena historian jazotako gertakarien emaitza gisa. (historiarekiko errespetua mantentzea beharrezkotzat hartzea ezinbestekoa dela jakinez aipatzen dugu honakoa). 

Hasierako bozetoak

Sarrera honetan, gaur egungo egoera aztertuz eta parametro edo input gisa Espazio publikoan sortu daitezkeen aukerak kontuan hartuz proposatutako aldaketen multzoa planteatzen da. Erabakiak modu intuitiboan barneratzen dira aurreko erabakiak guztiz errespetatuz. Honela, proiektua modu koherentean ebazten da, helburu nagusiei erantzuna emanez. 

Hona emen orain arte hartutako erabakien justifikazio sekuentzia:

Diseinu prozesuan...

Esan daiteke jarraitutako bidea eraikuntzaren desagertzea izan dela (behar bada sistema orokorren analisia izan delako habiapuntu nagusia), eremu publikoaren mesederako eta oinezkoei eskeinitako azalera erabilgarria ahalik eta modu optimoenean erabiliz. Eraikuntzek espazio publikoen izaera eraldatzen dute, aukera sorta izugarria sorraraziz.


Hauxe litzateke hurrengo urratsa, non espazio publikoaren tratamendu egokiak proiektuaren etorkizuna finkatuko duen.


ERAIKINA IZAN NAHI EZ DUEN ERAIKUNTZAN BARRENA...


TO BE CONTINUED...