BOURDEAUX IN A NUTSHELL

BOURDEAUX IN A NUTSHELL from gaizk_a on Vimeo.

Pasa den azteazkenean hurbildu ginen Bordelera. Jada, aurreko sarrera batean aipatutako BIG estudioaren esposaketa ikusteko eta nola ez, hiri honen giro apartaz goxatzeko asmoarekin.

 Gainera, uztekabean aurkitu genuen "Architecture Modulaire" izeneko esposaketa, zorionekoak izan ginen hortaz, ariketa honekiko lotura zuzena duen gaia izan baitaiteke.

Egun aparta izan zen bertan, eguzkiaren presentzia nabarmena zen une oro eta, horrek, egunari etekina ateratzeko aukera eskeini zigun.

Hona emen txangoaren bideo eta irudiak. Gogoan izateko eguna, duda barik. 

Espero dugu gustokoa izatea.

xD

Bidai argazkiak (Bordele)

OPTIMISATION

Bigarren proiektu honen lehendabiziko  materialak aurkezten ditugu honako sarreran.

Proiektuaren hasiera gisa, Urdaibai mailako baliabideen eskema, irakasleen proposatutako programaren azaleratzea eta lehendabiziko estrategiak azaltzen dira.

Lehen azterketa honen ondoren, beren eraikuntza lehengaien Urdaibairen potentzial ukagabea azaltzen zaigu. Eremu oparoa da, modu autoproduktiboan lurralde honen hazkunde sostengarria proposatzeko moduko lurraldea, alegia. Alde batetik, enpresa ugari existitzen dira (kontserbak, itsasontzi hornidurak, motonautika, konpresoreak, nekazal tresneria, soldaketa, burdinsareak, itsasontzigintza orokorrean...) etorkizuneko eraikuntzan onura handiak ekarri ditzakeena Urdaibai mailan. Bestetik, klima eta giroaren ondorio dira gaur egunean aurkitu ditzakegun egur aniztasuna (basogintza onartuan: pinudia, eucaliptoak, baso mixtoak, artadiak, hariztiak...)...

Dena den, kontuan hartzeko kontzeptua izan beharko da gai bakoitzaren bizitza eta produkzio bidean sortzen diren hondakin eta energia kopurua.

Bigarrengo azterketa gisa, programaren azaleratzea azaltzen zaigu. Kasu honetan, esku bidezko lanbide artesanaletan oinarritutako tailerrak dira egokien lotu daitezkeenak proiektu honetan, batez ere, gure inguruarekiko duten errespetuagatik, baina, baita bertako ogibideak izan direlako ere.

Azkenik, tailerraren funtzionamendu egokia eta oparotasuna bermatzeko estrategiak planteatu izan ditugu. Gaur egunean, eraikuntza eta hazkuntza kontzeptua espekulazio eta diru gosearekin lotuak ikusten ditugu (POOO eraikinak urdaibain duen presentzia izan daiteke eredu garbia eta baieztapen honen adibide zuzena).

Halere, beste eraikitze prozesuak biztanlegora hurbildu eta beraien presentziaz ere KONTZIENTZIATZEA garrantzi handikoa da, beraien hazkuntza modu positiboan ikusi daitekeelaz ere jabetuaraziz. 

Egoera honetan heltzen gara, hortaz, Muruetako udalerrira, bertako potentzialak kontuan hartuz, biztaleriarenganako hurbiltasuna bilatuz, ezin baita ulertu kontzientziatze prozesu bat bertako biztanleriaren parte hartzea erdietsi gabe. 

Aztertze lan honen atzean eta gure lan egiteko moduan egon beharko den kontzeptua OPTIMIZAZIO izango da une oro, ahalik eta inpaktu txikiena lortuz, emaitza handienak lortzeko asmoarekin.

TO BE CONTINUED...

AISTHETIKE

 "ciencia que trata de la belleza de la teoría fundamental y filosófica del arte". La palabra deriva de las voces griegas αἰσθητική (aisthetikê) «sensación, percepción», de αἴσθησις (aisthesis) «sensación, sensibilidad», e -ικά (ica) «relativo a».


 Aspaldi honetan, gai baten inguruan nabil bueltaka eta bueltaka.... nola eman hasiera proiektu bati? ba al dago proiektuetan jarduteko modu unibertsalik? gure proiektuen emaitza aurretik eginiko analisi sakon baten ondorioz suertatu behar da? edo/eta proiektatze bidean hobe da zenbait informazio alde batera ustea?... 

Egia esan ez ditut galdera horien erantzunak eta uste dut inoiz ez ditudala erantzungo...


 Halan eta guztiz ere, eskolan, behin baino gehiagotan entzun ditut "estetika" delakoaren inguruko aipamenak eta diskuzioak ere bai. Posible da arkitektura ona egitea, proiektatze bidean zure sentimenduak barneratuz? ITXURISMO baten atzetik ibiltzea justifikagarria izan daiteke proiektu batean? ESTETIKA zenbaiteraino izan beharko luke indarra gure lanetan?


 Galdera astunak diren bezalaxe, ideia eta iritzi ugari daude honen inguruan nahi eta nahi ez. Halere, gaur egunean badirudi arkitekturaren munduan hitz "tabu"-a dela ESTETIKA, baina, aldi berean gutxitan uzten dugu alde batera ezaugarri hura. 


 Nire aburuz, galdu ezineko ezaugarria da estetika. Honen lanketak arkitektura ona ere dakarrela uste dut, eta horretan sinistu nahi dut (beti ere funtzioa, programa, eraikuntza... bezakalo faktore ukaezinak zainduz noski). 


 FORMALISMOAri atxikitzen dizkiogu askotan ezaugarri negatiboak: azaleko arkitektura baten inguruan aritzen garela esaten dugu normalean. Proiektu askoren atzean, ordea, funtzio-egitura-programa-erabilgarritasun ikerketa sakon bat egoteaz gain, KOKAPEN, TAMAINA, ESKALA, TEXTURA, KOLORE bezalako kontzeptuen lanketa izugarria ere badago.... Arkitektura horietan somatzen da, normalean, proiektuarekiko sentipena eta afektua. 


 Oso kontuan hartzekoa da, bestetik, estetikaren akzio eremua ez dela formalismoan bukatzen, ez horixe. ZENTZUMENEI lotutako kontzeptua da, esperientzia bisuala izateaz gain, entzumen, usai, ukimen eta dastamenaz gozatu dezakegu arkitekturaz, ARKITEKTURA ESTETIKOAZ.


 Pragmatismoaren eta funtzionalismoaren indarra ukatu barik, baina eskolan bereganatutako zenbait kontzeptuen oroitzapenekin ere jarraitu nahiko nuke aurrera....


 Vitruvio, "Utilitas, firmitas, venustas..."
 Le Corbusier, "La arquitectura no es construir, sino emocionar..."
 .........

IGERILEKUAK ETA GUNE PUBLIKOAK LAIDAN (ENTREGA)

A1 LAMINA (ENTREGA)

Lamina kalitate onean esteka honetan aurkitu dezakezue: http://www.megaupload.com/?d=U7YFXAYU

Gainontzeko informazioa gehitzea egoki iruditu zaigu, proiektuaren ulermena hobetuko delakoan.

Alde batetik, iluminazioaren inguruko zenbait azalpen grafiko txertatu ditugu, LED bidezko iluminazio horizontala proposatzen dugularik, gauean ere gune ludiko osoa erabilgarria izan dadin edozeinentzako. 

Bestetik, ordea, Muruetako astileruetan produzitu beharreko zenbait altzairuzko elementuen diseinua txertatu dugu (laminan ebaketan azaltzen diren elementuak soilik azaltzen dira diseinaturik). Altzairuzko kaiola edo egituraren bidez babestu eta sostengatuko lirateke programaren elementu orok.

Iluminazioa eta uraren berotze prozesua

MURUETAKO ASTILERUEk produzitu  beharreko diseinuak

LANEKO MAKETA eskala 1/750

LANEKO MAKETA eskala 1/100

OLGETAN

ESCO ONE LOVE xD

...

Antolaketa Orokorra. Marea Gora/Marea Behera

Ebaketa xehetua

Egoerak

Enparantza. Ebaketa xehetua

Jarduerak Laidako enparantza berrian...

"ASUNTO DE CONTRASTES"

  Esan ohi da gure proiektuen funtzean gure bizitzan, gogoan, memorian,... gelditzen denaren isla argi adierazten dela. Orain dela pare bat hile Anish Kapoor-en erakusketa bikaina ikusteko aukera izan nuen. Bertako obretan antzemandakoa nolabait burmuinean gelditu zela pentsatzea gustoko dut, gerora zerbaitetarako baliogarria izango litzatekeen informazio bat izango balitz. 

  Anish Kapoor-en lana anitza bada ere, badago bere obretan errepikatzen diren zenbait ezaugarri, berehala igerri daitezkeenak alegia: KONTRASTEA da lan hauen guztien funtza eta arima. Geometria simple eta interbentzio garbi baten ondorioz lortutako kontrastea. 

 Laidako paisaia aztertzerakoan, bertako materialez jabetzean, berehala ohartu ginen kontzeptu hau bereganatu eta erabiltzeko aukera pizten zela. Izan ere, kontraste hori da gure proiektuaren bihotzean aurkitzen dena eta honen indarra ere areagotzen duena (geometria konplexuetatik aldenduz), harri natural ziklopeoaren indarra eta tonalitate ilunak programaren garbitasun eta argiarekin kontrajartzea, alegia. 

 Horrek, noski, elementu  bakoitzaren eraikuntza eta diseinuan berehala sartzea eskatzen du nahi eta nahi ez. 

Esan daiteke aurreko sarreran aurkeztutako antolakuntza orokorretik eskala txikira pasatzea beharrezkoa izan dela proiektuarekin aurrera jarraitzeko. 

Elementu bakoitzaren diseinu eta banaketa

Bozetoak, irudiak...

Elementuen egiturak berebiziko garrantzia hartzen du. Gure proposamena: Muruetako Astilleroetan bertan diseinuaren fabrikazioa egin eta eremuan aurrefabrikatutako piezak txertatzean datza.

PLOTJDSBIGSHLL&T

8H - The 8-House from BIG on Vimeo.


 Gogoan izango duzue horain dela pare bat urte, PROIEKTUAK I ikasgaian entrega egun "lasai" horietako batean ikusitako bideoa. Une horretan ezagutu nuen gerora interes handia pixtuko zidan arkitektura bulegoa: BIG. Ez hori bakarrik, Dinamarkako arkitekturaren berri ere izan nuen. Zaila da bulego honen (BIG) edo/eta JDS (Julien de Smelt), SHL ( Schmidt Hammer Lassen), L&T (Lundgaart & Trangberg)... lana ez ezagutzea. 


 BIG-en estudioan arkitekturen inguruko pentsamolde berezia dirau: betidanik existitu egin da arkitekturaren munduan pentsamolde bikoitza, bata guztiz teorikoa, utopikoa eta orokorrean gauza ezina, bestea, ordea, pragmatikoa, aspergarria, ekonomikoa eta arkitekturaren munduari eboluzioa ostopatzen diona. Beren ustez behintzat, gauzatzen duten arkitektura bi mundu horien arteko orekan aurkitzen da ("PRACMATIC UTOPIAN")


Dena den, zaila da utopiarantz doazela ez antzematea. Izan ere, gaur egunerarte 300 proiektu inguru burutu dituzten arren, 9 bat soilik eraiki dira. Behar bada, bezero talde mugatu batentzat lan egiten dutelako izango da aurretik aipatutakoaren zergatia, non 100 arkitektotik gorako estudioan proiektu apalak egiteko interesik ere ez da pizten (ironiaz ari naiz) eta, arrunta denez, eskala handiko eraikuntzetan hamaika oztopo aurkitzen dituzu bidean.


 Halan eta guztiz ere, estudio honekiko estima eta oniritzia ez dut galtzen. "Gustoko duten hori egiten" jarraitzen dute nahiz eta eraikitakoarengatik ekonomikoki mantentzerik ez izan (edo zaila ikusten dut nik behintzat, 100 pertsonatik gorako estudio baten mantenimendua 9 proiektu eskasekin egitea). Dena den, erreza da gisa honetako bulegoen aportazioa ikustea, nire ustez behintzat, argi dago proiektu eta arkitektura burutzeko modu hauen atzean etorkizunerako bide posibleak aurkitu daitezkeela. 


 Beno, txapa honen ostean, bulego honen azken proiektu gauzatua (etxebizitza pribatuaren arloan hirugarrena)----> 8HOUSE
 (Dinamarkan gauzatzen ari diren "master plan" horietako batean kokaturik dago, harrigarria da bertan egin nahi dutena...)
 (Aurretik igotako bideoan argi eta garbi gelditzen dira proiektu honen nondik norakoak, Bjrke Ingels-en hitzaldiak ere pena merezi dute duda barik).

PROIEKTATZEN...

Proposatutako ibilbidearen amaiera gisa planteatzen dugu Laidako camping-etik hondartzara bitartean gauzatzen den proiektua. 

Lamina honetan orain artean eginikoaren laburpentxo bat azaltzen da. Gune ludikoa hortaz, 500m-ko ibilbidean zehar barreiaturik dago! 

aurreentregan aurkeztutako lamina

maketarekin lanean (igerileku baten xehetasuna eskala 1/100)